Тұрар Рысқұлов аудандық «Сұлтан» орталық мешітінің бас имамы Джадраев Сұлтаншәріп қажы Луговой ауылындағы әскери горнизонда жат діни ағымдардан сақтандыру мақсатында «Ислам – ізгілік діні» атты тақырыптауағыз насихат жасады. Уағызға сол жердің 60 қа жуық әскери қызметкерлері қатысты.

     Ауданның бас имамы насихатын: «Ислам – күллі адамзат баласын бірлікке, татулыққа үндейтін асыл дін. Бұл – анық ақиқат, Құранда баян етілген Алла Тағаланың әмірі: Барлықтарың бірлесе Алланың жібінен мықтап ұстаңдар. Бөлінушілікке әсте түспеңдер. Алланың сендерге берген нығметін еске алыңдар. Бір кездері сендер, бір-бірлеріңе дұшпан едіңдер, жүректеріңді Ол жақындастырды. Міне, Оның (осындай) нығметі аясында қандас болдыңдар. Сондай-ақ, сендер тозақ отының шұңқырының ернеуінде тұрғанда ол жерден сендерді құтқарған да – Ол. («Әли Имран» сүресі, 103-аят) Алла Тағала «Әли Имран» сүресінің осы аяттарында бірліктің адамзат үшін қаншалықты маңызды екендігін ескертіп, бірліктің дұшпандардың өзін досқа, бауырға айналдыратын маңыздылығын атап көрсетеді»,- деп бастады

 Қуаныш Түзелбеков

Рысқұлов аудандық мешіттің баспасөз қызметі