Тұрар Рысқұлов ауданы Қорағаты ауылдық «Қорағаты» мешітінің имамы Байғожаев Нұрдәулет пен мешіт ұстазы құранға түскен шәкірттерді марапаттады. Шәкірттерді діни ілімге және Алланың кәләмы Құранға қызықтыру, ынталандыру мақсатында әрқайсысына ақшалай сый - сыяпат табысталды.

Білім алу – дініміз бойынша маңызды әрі хайырлы іс. Әрбір мұсылман адам, еркек болсын, әйел болсын білім алуға ұмтылуы тиіс.

 Дініміз бойынша білім алу – құлшылық болып табылады. Білім алу – бұл құлшылық, Құранды оқу мен оқығаныңды көңіліңе тоқу – құлшылық, тіпті білім алу үшін бір жерге баруыңның (мысалы, мектепке, университетке және т.б.) өзі – құлшылық.

Өзге бірде-бір дін немесе діни сенім, ислам секілді білім мен ғылымға көңіл бөлмейді. Дініміздегі білімнің маңыздылығын пайғамбарымызға (с.ғ.с) алғаш түскен Құран аяттарына қарап, білуге болады. Ол аяттарда: «Сондай жаратқан Раббыңның атымен оқы! Ол, адамды ұйыған қаннан жаратқан. Оқы! Сенің Раббың аса Жомарт. (Ол) қалам арқылы үйретті. Ол адамзатқа білмеген нәрсесін үйретті», – деп айтылған.

 Қуаныш Түзелбеков 

Рысқұлов аудандық мешіттің баспасөз қызметі