Жамбыл облысы Байзақ ауданы екінші аймақ жетекшісі әрі «Шолпан Дәуіт» мешітінің имамы Қанат Тұмарбекұлы Көктал ауылдық «Әбу Бәкір Сыддық» мешітінің жамағатымен кездесіп, уағыз айтып жұма намазын өткізді.

  Қанат Тұмарбекұлы: «Асыл дініміз Исламда харам деп танылған үлкен күнәлардың бірі –зинақорлық. «Зина» сөзінің шариғи мағынасы ер немесе әйелдің некесіз өзге біреумен төсек қатынасына түсуі дегенді білдіреді. Алла Тағала қасиетті Құранның «Исра» сүресі, 32-аятында: «Зинаға жақындамаңдар. Расында ол – азғындық және жаман жол», – деп айтқан.

Жаратушы иеміздің бұл аятта: «Зинаны жасамаңдар» демей, «зинаға жақындамаңдар» деуі бұл істің ауыр күнә екендігін әрі мұсылман адамға зинаға апаратын барлық іс-әрекеттерден тыйылу керектігін білдіреді», - деді.