Аутизм дертіне шалдыққан палестиналық 10 жасар бала Құранды жаттап, қари атанды. Ол осы жетістігімен дүниежүзінде аталмыш дертпен ауыратын науқастарға үлгі көрсетіп отыр.  

Жас жеткіншек Халид Абу Мусаның  (Khalid Abu Musa) қасиетті Құранды жаттауына  ұстаздары себеп болған. Ұстаздар Құран аяттарын дауыстап бінеше рет оқып береді,  Халид ол аяттарды қайталап, жаттап отырған.

Бұл туралы Газа секторында орналасқан психоневрологиялық ауытқулары бар балаларға арналған арнайы мамандандырылған мектептің қызметкері Недве Абдулаль (Nedve Abdulal) хабарлады.

Бір таңқаларлығы Құран жаттаумен қатар, Халид жазу мен оқуды да үйрене бастаған. Бұл өз кезегінде аутизммен ауыратындар үшін қиын шаруа. 

Аутизм – ми жұмысының бұзылуынан туатын ауру.

hibatulla.kz

Сайт материалын қолданғанда сілтеме көрсетуіңіз міндетті