Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы жұма намазына жиналған жамағатқа уағыз айтты. Аталмыш уағыз «ұрпақ тәрбиесі» турасында өрбігін болатын. Әрине, бала тәрбиесінің сан-қырлы жолдары көп. Айталық, балаға мейлінше сүйіспеншілікпен, мейірім-шапағатпен, ыстық ықыласпен қарау. Ата-ана кез келген жағдайда өзін-өзі ұстай білу, сабырлы болып, үлгі көрсету. Әсіресе, ата-ана балаға жалған сөйлемегені жөн. Сонымен қатар ата-ана әрдайым өз перзенттері үшін игі дұғада болу.

Олардың тәрбиелі, салиқалы болуы ата-анасының дұғасына тікелей қатысты. Алла Тағала баршамыздың шаңырағымыздағы ұл-қыздарымызды тура жолда тәрбиелеуге күш-қуат берсін! Оларға ізгі тәрбие беру жолында жәрдемдесетін бізге ізгі жұбайлар нәсіп етсін. Салиқалы жандардан болуымызға өздерімізге тақуалық, білім және сабыр берсін деп сұраймыз! 

Жамбыл аудандық мешітінің баспасөз қызметі