Оңтүстік Калифорнияда орналасқан Коста-Меса қаласында тұратын мұсылман қыз-келіншектер  South Coast Plaza ғимаратында бас қосып, ғимаратқа келіп-кетуші адамдарға тегін гүл шоқтарын таратты.

Іс-шараны ұйымдастырушылар бұл бастаманың елде бірлік пен келісім орнап, барлық дін өкілдерінің ауызбіршілікте болуы керек деген ниетпен өткізілгенін айтады.

«Әлемде Ислам туралы қате пікірлер өте көп. Өкінішке орай, бұқаларық ақпарат құралдары шындыққа көз жіткізбей тұрып, мұсылмандарды жазықсыз қаралайды. Расында, Исламға кір келтіріп отырғандар мұсылмандар емес, дініміздің атын жамылып, нағыз сорақы  әрекеттер жасап отырған адасушы адамдар», - дейді Шализех Афатби (Shalizeh Afatbi), шараға қатысушылардың бірі.

hibatulla.kz

Сайт материалын қолданғанда сілтеме көрсетуіңіз міндетті