Өздерін «Ислам мемлекеті» деп атап жүрген ИГИШ лаңкестік тобының кепілінде 10 ай болған француз журналисі Дидье Франсуа (Didier Francois) басынан өткерген жағдай жайында сұхбат берді.

Ол  «Ислам мемлекетінің» мүшелері өзара әңгімелері арасында  Ислам немесе Құран туралы сөз қозғау былай тұрсын, олардың қолында бір де бір Құранның данасы болмағанын айтты. 

«Олар ешқашан Құран аяттарын ауыздарына алып сөйлеген емес, айтатындары тек саясат қана. Олардың Құранмен, Исламмен еш байланысы жоқ. Тіпті қолдарында мұсылмандар үшін қасиетті саналатын Құранның да  бір де бір данасы  жоқ», - дейді Франсуа.

Естеріңізге сала кетейік, Дидье Франсуа ИГИШ лаңкестерінің  кепілінен өткен жылдың сәуір айында босап шыққан болатын.  

 hibatulla.kz

Сайт материалын қолданғанда  сілтеме көрсетуіңіз міндетті