Пәкістанның арнайы қызметі лаңкестік күдігімен кемі 9 мың адамды қамауға алды деп жазады The Hindu.

Қамалғандардың ішінде 3 мыңнан аса молда мен медресе ұстаздары бар. Сондай-ақ, тағы 3,5 мың ауған босқындары уақытша ұстау абақтысында.

Қамауға алынғандардың ең көп бөлігі пуштундар жайлаған Хайбер-Пахтунхва провинциясына тиесілі. Мұнда барлығы 6702 адам тұтқындалған.

Айта кетейік, Пәкстан билігі лаңкестермен күресті күшейту мақсатында арнайы операциялар жүргізуді қолға алды. Осылайша мемлекет тәлібтерді әлсіретіп, түп-тамырымен жоямыз деп білек түріп отыр.

Аталған операцияларға барлық күштік құрылымдар мен еріктілер де тартылуда.

hibatulla.kz