Әзербайжанның Баку және Шуша қалаларында өткен Мүфтилер Кеңесінің үшінші отырысы аясында ҚМДБ Төрағасы Наурызбай қажы Тағанұлы Түркия Дін Істері басқармасының басшысы доктор Әли Ербашпен кездесті.

Кездесуде екі ел арасында қалыптасқан діни, рухани бағыттағы әріптестікті нығайту жағы көтерілді. Білім беру саласындағы ынтымақтыстықты арттыру мәселесі айтылып, ол да өз шешімін тапты. Болашақта Түркияда діни білім алушыларға қолдау көрсететін қорлар арқылы грант бөлу жайы да назардан тыс қалмады.

Сонымен қатар былтырғы желтоқсан айындағы келіссөздер нәтижесі айтылып, ортақ жобаларды жалғастыру басты назарда деді Діни басқарма басшылары.