Тараз шаһарында "Халал" куәлігін алуға сұраныс беруші кәсіпорындардың саны артты. Бұл жайлы ҚМДБ "Халал даму" ұйымының Жамбыл облысы бойынша өкілі Аблайхан Ғабитұлы тілге тиек етіп:  "Жаңадан өтініш қалдырғандармен жұмыс, алдын алып қойған өндіріс орындарына жоспарлы тексеру жұмыстары, лабораториялық тексеріске жолдау сынды жұмыстар қызу жасалуда" - деп атап өтті. 

Осындай жоспарлы шара "Әл-Кәусар" және "Науат" дәмханаларында жүргізіліп, арнайы тексеріс жасалды. Дәмханаға келетін азық-түліктерімен қоса, дәмхана асханасы толық бақылаудан сәтті өтті.

Маманның айтуынша: "Ет өнімдері, тауық еті, тағамдық қоспаларға толық тексеру жасалып, жұмыс жүргізулеріне ешқандай ескертулер болмады. Істеріне сәттілік тіледік!" - дейді.

Ақерке БЕКҚҰЛОВА

"Һибатулла Тарази" мешітінің баспасөз қызметі