Шариғатқа сай бірыңғай банк жүйесі жоқтың қасы болғандықтан, қазіргі уақытта Үндістанның мұсылман халқы банк жүйесінен тыс жұмыс жүргізуде.  

Осы себепті, Үндістанның  State Bank of India мемлекеттік банкі келесі айда  елдегі тұрып жатқан 170 миллион мұсылмандардың жинаған құражатының көмегімен ислам инвестициялық қорын іске қосуды жоспарлап отыр.

Үндістанның құнды қағаздар және биржа кеңесі State Bank of India мемлекеттік банкіне және жетекші 3 компанияға шариғатқа сай инвестициялық қорды іске қосуға разылығын білдіріп, рұқсат етті.

Банк өз қорына бастапқыда 1 млрд рупий (16,4 млн доллар) жұмылдырады, қордың іске қосылуы 1 желтоқсан күні жүзеге асады деп күтілуде.

hibatulla.kz