26 Қараша 2024
24 Джумада-авваль 1446
Бүгін Қазақстан мұсылмандары діни басқармасының төрағасы Ержан қажы Малғажыұлы Астана қаласының мешіттерін аралап, жамағатпен жүздесті.
Елордада орналасқан «Әлжан ана» атындағы мешіттің тыныс-тіршілігімен танысқан Бас мүфти бесін намазына жиналған жамағатқа жақсылық жасаудың, бірлігімізге бекем болудың маңыздылығын айтты.
«Елімізде тұрақтылық пен тыныштық болса, дін де, экономикамыз да өркендеп, әлеуметтік тұрмысымыз түзеледі. Дініміз уақыт өткен сайын қанат жайып, имандылыққа бет бұрған жастардың қатары көбейіп келеді. Иманды қоғам құру үшін ең алдымен отбасымызды ізгілікке ұйытып, бірлігімізді сақтауымыз керек.Сонда ғана біз биік белестерді бағындырамыз », - деді Ержан қажы Малғажыұлы.
Мешіттің бас имамы Ермек Мұқатай Алланың үйіндегі игілікті іс-шараларды баяндап, қысқы маусымға дайындық жұмыстары жайлы есеп берді.
