Осы  аптада  Словенияның Есенице қаласында мұсылман жамағаты үшін  арнайы ислам оқу орталығы ашылды. Бұл елдегі ең алғашқы ислами орталық болып отыр. Мұсылмандар оқу ғимаратының салынуына және жабдықтарына жалпы саны  1 млн еуро қаржы жинаған.

Оқу орталығында 2 аудитория және 25 орындық бөлмелер бар. Сонымен қатар, онда халал мейрамхана да орналасқан. Бұл  қала тұрғындары үшін үлкен жаңалық болып отыр.

Орталықты ашушылардың айтуы бойынша, мұнда түрлі жиындар ұйымдастырылып, ислам діні, исламның  мәдениеті мен тарихы және мұсылман жамағаты туралы ақпараттар беріледі екен. Сонымен қатар, араб тілі курстары да жүргізілмек.