Қырғызстан муфтияты осы жылдың соңына дейін мемлекет көлеміндегі барлық мешіттерді есепке алуды бастады, - деп жазады «Интерфакс-религия».

«Қырғыстан мұсылмандары діни басқармасының барлық облыстық өкілдеріне  үстіміздегі жылдың 15 желтоқсанына дейін өз облыстарына қарасты барлық мешіттерді тіркеу ісі тапсырылды», - деп хабарлайды, елдегі Діни басқарманың баспасөз қызметі.

ҚМДБ-ның Шаруашылық және құрылыс бөлімінің басшысы  Таалайбек Назылбеков республика көлеміндегі барлық мешіттердің нақты  санын анықтау мақсатында іс-сапармен жолға шықты.

Билік өкілдерінің хабарлауынша, мемлекеттегі  барлық мешіттердің 20% тіркеуден өтпеген екен.