Хиджаб өнімдерін шығару әлемдік нарық бойынша  дүркіреп тұрған кәсіп екені жасырын емес. Әсіресе,  Малайзияда мұсылман дизайнерлердің саны басым.  Мұнымен қоса, жер бетіндегі барлық мұсылман қыз-келіншектер  хиджабты интернет-сауда жүйесі арқылы сатып ала алады. 

Малайзиялық 29 жасар  дизайнер  Рабиа Ван Зулкифли шариғи киімдер тігіп, сату бойынша бәсекелестіктің артқанын растап,  бұл қуантарлық жаңдай екенін айтады.

«Соңғы кездері  онлайн-сатушылардың санының күрт өскені мені мазаламайды, қайта мұсылмандардың саны күн санап артып келе жатқанына шүкіршілік етемін. Қазіргі таңда әрбір қыз-келіншек өзінің талғамына сай киінуге мол мүмкіндік бар. Сонымен қатар,  сатушылар ғаламтор сайттарына шариғи киімдерді үйлестіріп киюдің түрлі әдістері мен тәсілдерін жүктеп қойған» - дейді дизайнер.