Жамбыл ауданы Айша-бибі ауылында «Айша-бибі» мешітінің имамы Таджибаев Қатарбайдың бастамасымен мешіт жамағаты және де ауыл кәсіпкерлері болып, тілсіз жаудың кесірінен шатыры ұшып кеткен үйдің құрылысына көмек берілді.

Ұлыстың ұлы күнінің қарсаныңда жүргізіліп отырған игі істе ауыл имамының үлес ерекше екендігі белгілі. Ұлыс күні қазақ елі үшін әрқашан қасиетті, киелі саналған.

Халық таза, жаңа киімдерін киіп бір–бірімен қол алысып, амандасып төс қағыстырып жақсы тілектер айтылады. Мерекеге арнап жеті түрлі дәннен наурыз көже дайындалады. Осы күні адамдар арам пиғыл, пендешілік атаулыдан тазарып арылады.

Жамбыл аудандық мешітінің баспасөз қызметі