Жамбыл ауданы Қызылдихан ауылында «Махат ата» мешітінің имамы Чалиев Ескендір «Айша-бибі» әскери бөлімшесінің әскери қызметкерімен бірге, 3 отбасына қайырымдылық көмек себеттерін табыс етті.

Азық-түлік себеттері әлеуметтік жағдайы төмен, аз қамтылған отбасыларына таратылды. Әрбір жасалған істе ізгіліктің бар екенін есте сақтаған абзал. Адамның жасаған игі істерінің бәрі оның ақыл-ойы мен жүрек жылуының көрінісі. Жаныңда жүрген жандардың қуанышын бөлісіп, қиындығына ортақтаса алсаңыз қазақ халқына тән  ұлттық қасиетіңіз бен көрегендігіңіздің  жемісі деп біліңіз. Жүрек жылуын ұсынып, ізгілік нұрын шашып, сый-сияпат көрсете алу адамның адамдық белгісінің қасиеті. 

Қайырымдылық – адамзат бойындағы ерекше бір қасиет. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі. Қайырымдылық жасау, әр адамның қолынан келетін іс.  

Жамбыл аудандық мешітінің баспасөз қызметі