Нұр-Мүбарак университетінің үздік оқытушылары анықталды

Нұр-Мүбарак университетінің үздік оқытушылары анықталды

User Rating: 5 / 5

Star ActiveStar ActiveStar ActiveStar ActiveStar Active
 

Студенттердің білім сапасын арттыру мақсатында Нұр-Мүбарак университетінде жыл сайын профессор-оқытушылар құрамының (ПОҚ) қызметін бағалау арқылы рейтинг жарияланады. Биыл да университеттің Сапа менеджмент жүйесі бөлімі жариялаған рейтингке төрт кафедраның, атап айтқанда: Жалпыуниверситеттік гуманитарлық пәндер кафедрасынан – 13, Дінтану кафедрасынан – 19, Араб және ағылшын тілдер кафедрасынан – 15, Исламтану кафедрасынан 28 оқытушы қатысты.

«ПОҚ рейтингісін анықтау оқытушылардың ізденісін арттырып, қосыша еңбектер шығаруына, бәсекелестікке қабілетті сапа қалыптастыруға мүмкіндік береді. Сондықтан біз барлық оқытушылардың қатысуына мүдделіміз әрі бұл жылда дәстүрлі түрде жалғасып, жемісін көрсетіп келеді» деді СМЖ бөлімінің меңгерушісі, қауымдастырылған профессор Шамшат Әділбаева.

Барлығы 75 оқытушы өзара ғылыми зерттеу, оқу және ғылыми-әдістемелік, біліктілікті арттыру, академиялық ұтқырлық және тәрбие жұмыстары бойынша 36 талапқа сай жұмыстарын ұсынды. Нәтижесінде 1-орынды филология ғылымдарының кандидаты, доцент (ААТ) Гүлдархан Рысбаева, 2-орынды филология ғылымдарының кандидаты, қауымдастырылған профессор (ЖУГП) Дариға Қапасова, 3-орынды философия ғылымдарының кандидаты доцент (Исламтану)Жалғас Сандыбаев) иеленді.

Сондай-ақ биылғы ерекшелік магистр-оқытушылар арасында да үздіктер анықталды. Олар: Нұржан Стамбакиев (Исламтану), Бижан Илесбеков  (Исламтану), Жадыра Сариева (ААТ). Үздік оқытушылар арнайы сертификатпен марапатталып, жеңімпаздарға «Салиқалы ұрпақ» қоғамдық қоры арнайы сый-сыяпат жасады.

 
ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: