Түрік үкіметінің басшысы Реджеп Тайып Эрдоған 2004 жылы Америка Еврей Конгресі атынан берілген медальды қайтарып беретін болды. Оның бұл қадамы соңғы уақыттары шиеленісіп кеткен түрік-еврей қатынасына қатысты болса керек.

Шетелдік ақпарат көздерінің жазуынша,  Түрік еліндегі еврей ұлтын қолдағаны және әлемдік лаңкестікке қарсы күресте табандылық танытқаны үшін осыдан 10 жыл уақыт бұрын Тайып Эрдоған «Ерлігі үшін» медалімен марпатталған екен. Алайда, соңғы кездері орын алған оқиғаларға байланысты, атап айтсақ, Газа секторына жасалған шабуылға қатысты түрік премьері жасаған мәлімдемеден соң Америка Еврей Конгресі медальді қайта қайтаруды талап етіп отыр.

Өз кезегінде Эрдоған ресми түрде медальді қуана-қуана қайтаратынын жеткізді.

muslim.kz