Күндердің сұлтаны жұма күні басталып 24 сағат бойы Құран хатым түсірілмек. ҚМДБ-ның Жамбыл облысы бойынша бас имамы Бейбіт қажы Мырзагелдиевтың ұйытқы болуымен облыстық "Һибатулла Тарази" мешітінде 12 қари бірігіп Құран оқуды бастады.

Марқұмдарға сауабын бағыштап, ауру адамдарға шипа болсын деген ниетпен бастау алған 1 тәулік үздіксіз Құран хатымын жасау шарасы сенбінің таңына дейін жалғаспақ. Хатым дұғасы сенбі күні таң намазынан соң жасалмақ. 

Республикамызда тұңғыш рет өтіп отырған игі бастама аясында 1 күнде бірнеше рет хатым түсіріледі. Қатым құранды @asyldin.kz инстаграм парақшасынан 24 сағат бойы тікелей эфирде онлайн көре аласыздар.

Ақерке БЕКҚҰЛОВА 

"Һибатулла Тарази" мешітінің баспасөз қызметі