Жамбыл ауданы орталық «Бәйдібек» мешітінде бесін намазына келген жамағатқа мешіттің найб имамы Серік Нұркелді қари «Құран оқудың артықшылығы» жайында уағыз айтты. Қасиетті Құран оқыған адамның оқыған әрбір әрпіне сауап жазылатындығын және Құранды басқаға үйреткенге үлкен сауаптардан жазылатындығын айтты.         

Құран – адамзатты шексіз бақытқа жетелейтін, тура жол көрсететін, қияметке дейін өзгермейтін мәңгі мұғжиза. Құран-соңғы пайғамбарлықтың дәлелі, ханиф (тура) діннің үні әрі Ислам шариғатының ата заңы. Құран оқыған адамның бүкіл болмысымен өзгергенін байқайсың. Ішкі дүниесіне үңіліп қарасаң оның рухани тазарғанын, жүріс-тұрысының өзгергенін көресің. Құранға деген махаббат оны оқуға байланысты.

 Жамбыл аудандық мешітінің баспасөз қызметі