ҚМДБ-ның «Қайырымдылық жасасаң-қайырын өзің көресің» атты акциясы  Жамбыл ауданы Бектөбе ауылы «Бектөбе» мешітінің ұйымдастыруымен қасиетті Ораза айт күні болып өтті. 

Мешіт имамы Ғани Танатаров пен алқа мүшелері ораза  айында түскен пітір-садақаның есебінен және ауыл кәсіпкерлерінің демеушілігімен  жағдайы төмен, көпбалалы жиырма  отбасыға азық-түліктей  көмек берді.

Бір отбасыға 15 000 теңге, жалпы 300 000 теңге қаражат жұмсалды. Көмек алған отбасылар ауыл кәсіпкерлері мен мешітке өз алғыстарын білдірді.

Жамбыл аудандық мешітінің баспасөз қызметі