Қазақстан мұсылмандары діни басқармасына қарасты «Халал Даму» ЖШС мамандары көпшілікке халалдың маңыздылығын түсіндіру, адал ас және атқарылған шаралар жөнінде ақпараттандыру мақсатында әр сәрсенбі сайын тікелей эфир жүргізіп келеді.

Бұған дейін 7 эфир өткізіп, көптің сауалына жауап берілсе, ертең, яғни, 23 қыркүйекте «Халал Даму» ЖШС директоры Айбек Аташев «Еңбек апталығына» орай «Еңбектің наны – адал» тақырыбында тікелей эфир өткізеді.

Қарапайым тұтынушылармен байланысты нығайту, сату құралына айналған «халал» таңбасына деген ел сенімін арттыру, тұтынушылардың халал жөнінде білімін жетілдіру, әр адамның астың халалын тұтынып, ісінің адалынан болуын насихаттайтын «Сәтті сұхбат» айдарын әр сәрсенбі сағат 15:00-де @halaldamu.kz парақшасынан тамашалаңыздар!