Бахардар Эфиопия университетінің  басшысы  оқу орнының  аумағында намаз оқу мен хиджаб  киіп жүруге тиым салғандығы  себепті,  университеттегі   мұсылман студент  қыздар оқуларын тастап,  жатақханадан кетуге мәжбүр болған.

«Бахардар университетінің 95% жуық  мұсылман студент қыздары оқу орнында никаб пен хиджаб киюге тиым салған бұйрығынан кейін оқудан  кетулеріне тура келді», - деп  хабарлайды  эфиопиялық жерсеріктік ESAT телеарнасының сайты.  Жаңа  заңда сонымен қатар, студенттердің университет төңірегінде намаз оқуларына да тиым салған.

Ресми деректер бойынша елдегі мұсылмандар саны 34%, ал ресми тіркелмегендері 50% құрайды екен.