«Үйлеріңді Құран оқылмайтын қабірге айналдырмаңдар»

Иісі мұсылман баласы үшін күнделікті оның үйінде Алла Тағаланың сөзі айтылып тұрғаны маңызды. Күніне аз да болса Құранның оқылуынан үйге, сол үйде тұратн жандарға қайыр-береке бар. Құранның оқылуынан біздің үйімізге береке кіреді әрі ол бізді зұлымдықтан, жамандықтан сақтайды. Төменде Алла Елшісінің (ﷺ) сүннетінде келтірілген Құранды оқудан лезде болатын үш пайданы келтіреміз:                                                         

 1. Иманды сақтайды: үйлерінде үнемі Құран оқылып тұратын адамдар күпірлік пен шірктен ада болады.                                                                                       

2. Бүліктен сақтайды: Ибн Аббас бірде Жәбірейілдің (ғ.с.) Пайғамбарымызға (ﷺ) бүліктің көп болатынын айтқандығын келтірген. «Бүлікті не болдырмайды?» - деп сұраған Алла Елшісіне (ﷺ) Жәбірейіл (ғ.с.): «Алланың Кітабы», - деп жауап берген. Демек, Құранды оқу бүліктен сақтайды. Егер үйде Құран оқылса, сол үйге береке мен тыныштық орнайды да шайтан қашады.                                                                                                     

 3. Дуагерліктен, қара сиқырдан сақтайды. Пайғамбарымыз (ﷺ) былай айтқан: «Ішінде Құраннан ештеңесі жоқ адам қирап құлазыған үймен тең». Мұндай үйге шайтан оңай кіріп, өз әрекеттерін жасап, бүлдіріп кетеді. Әбу Хурайра (р.а.) былай айтқан: «Құран оқылатын үйде отбасы өркендеп, өсіп, берекелі болады, періштелер түсіп, шайтандар қашады. Құран оқылмаған үйде өмір қиындап, береке кетеді, періштелер жоламайтын болады, шайтандар басады».

asyldin.kz