Сомалидегі  Гароуэ қаласында орналасқан  «Әл-Бадр» мешітінде  жұма  күні  72 жастағы  әйгілі ғалым, шейх  Абдул-Қадыр  Фарих  Нур дүниеден озды. Бұл  туралы  Халықаралық  мұсылман ғалымдары одағы (IUMS) хабарлады.

«Әш-Шағид»  ақпараттық  агенттігінің  мәлімдеуінше, қарулы лаңкестік топтың бір мүшесі  мешітке кіріп,  екінті намазын  оқып  жатқан  Абдул-Қадыр Фарих  Нурдың  рукуғтан енді  тұрып  жатқан сәтінде  тапаншамен басынан атқан, деп хабарлайды «Ислам для всех» ақпараттық сайты.

Қылмыскер  бірден  қашуға  әрекет жасап, 3 адамды жарақаттаған, дегенмен  қылмыс болған жерден ұзап кете алмай қолға түсті.

Тергеу барысында қылмыскердің аты-жөні анықталды. Ол «Аш-Шабааб жамағаты» сомалилік моджахид  жастар  қозғалысының  мүшесі  Абдур-Рахман Хусейн  Джами Яли есімді азамат болып шықты.  Бұл топ  2009  жылдың 4  қыркүйегінде  Шамо қонақүйінде  22 адамды, оның ішінде  білімгерлер, профессорлар және 3 министрдің  жанын қиған  жарылысты ұйымдастырған болатын. 

Марқұм болған шейх Абдул-Қадыр Ислам үшін аянбай  қызмет жасаған белсенді  азамат болатын. Сонымен қатар,  радикалды ағымдарға қарсы  белсенді  жұмыстар да  атқарған.