ҚР Ұлттық Ғылым академиясында бұрынғы Бас мүфти Әбсаттар қажы Дербісәлі мырзаны Р.Б.Сүлейменов атындағы Қазақстан Республикасы Ғылым министрлігінің Шығыстану институтының директоры қызметіне тағайындауға байланысты Білім және ғылым министрі Бақытжан Жұмағұлов баспасөз-конференциясын өткізді. Бұл туралы «Azan.kz.» сайты мәлімдеді. 

Жиынға келген тілшілер мен қонақтар алдында Бақытжан Жұмағұлов  Әбсаттар Бағысбайұлының осы уақытқа дейін мемлекетіміз үшін атқарып келген еңбектерінің зор маңызға ие екенін атап өтті.  Шейх Әбсаттар қажы бұл қызметке тағайындауда сенімділік танытқандары үшін өз алғысын жеткізіп, жаңа қызметке белсене кірісетініндігін айтты.

Шығыстанушы, дінтанушы, әдебиеттанушы, жазушы әрі сыншы. Көптеген еңбектер мен ғылыми мақалалардың авторы. 2000 жылы Қазақстан мұсылмандары Діни басқармасының төрағасы, Бас мүфти, 2007 ж. Орта Азия мүфтилер кеңесінде бірауыздан осы кеңестің төрағасы қызметін атқарып келген Әбсаттар қажы Дербісәлі мырза Қазақстан халықтарының достығы мен ынтымағы, діндер аралық түсіністік пен сыйластықты арттыруда да игілікті істер атқарған атпал азамат.