Египетте  Ислам ғылымдары  жайлы баяндалған  жаңа энциклопедия жарыққа шықты.  Бұл  жаңа басылым Батыс елдеріне  Ислам және мұсылмандар туралы соқыр нанымдары мен қате пікірлерін түзеуде көмек беретін құралы болып табылады.

Энциклопедия «Ислами ғылымдарды үйренуге кіріспе» деген атпен ағылшын тілінде шыққан. Оған Құран, ислам құқықтары, теология, салыстырмалы дінтану және ислами әдеп, Ислам ғылымдарын зерттеу әдістері сияқты,  т.б. 30 ислами ғылыми пәндер енген. Сонымен бірге, қазіргі заманғы Исламдағы әйел құқығы, Исламның өркендеуі сияқты өзекті мәселелер көтерілген.

Энциклопедияның электронды нұсқасы Дар уль-Ифта медиа орталығында Facebook әлеуметтік желісінің беттерінде жарияланатын болады.