Қаңтар айында Францияның Мали еліне қол сұғуынан кейін  Малидің солтүстігіндегі қақтығыс салдарынан мыңдаған балалар білім алудан қағылып отыр. Бұл туралы жексенбі күні  БҰҰ-ның Балалар Қоры хабарлады.
Біріккен Ұлттар Ұйымының Балалар Қоры және Малидегі  Білім мекемелерінің берген  деректерінде «Елдегі дағдарыс кесірінен 700 000 бала білімсіз қалды және оның екі жүз мыңы әлі де мектепке  бара алмай отыр. 2012 жылдың қаңтар айынан бастап тонау мен қирату зардаптарынан Мали елінің солтүстігінде  115 мектеп жабылды. Кейбір мектептерден жарылмай қалған бомбалардың қалдықтары табылды», деп көрсетілген.
Мали Республикасының Білім министрі Бокар Мусса Диарраның айтуынша,елдің солтүстігіндегі 3 мектептің біреуі ғана өз қызметін тоқтатпай келеді. 

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.