Сургуттегі халал кафелерді тексеру барысында құқық қорғау органдарының бір топ  өкілдері осы кафеге келуші бірнеше ер адамды тапаншамен қорқытып, сақалдарын кесуге мәжбүрлеген. Бұл туралы Сургуттегі тәжік ұлттық автономиясының өкілі  Файзуло Аминов «Интерфакс» агенттігі арқылы мәлімдеді.

Куәгерлердің айтуы бойынша, 3 наурыз күні мешіт маңындағы кафеге ерекше мақсаттағы милиция жасағы (ЕММЖ) формасын киген қарулы адамдар баса-көктеп кіріп, сол кафеге келіп-кетушілерді тізерлеп отыруға бұйырған. Одан кейін күш көрсетуші полицей қызметкерлері сол жердегі үш адамды сақалдарын кесуге мәжбүрлеген, - деп түсіндірді Файзуло Аминов.  

Полицей қызметкерлері тағы бірнеше адамды тұтқынға алып, құжаттар тексеріліп жатқан  полиция бөлімшесіне жеткізген.  Кейінірек тұтқынға түскен адамдар босатылған. Осы іс бойынша тергеу амалдары жүргізілетін болады.