Стамбул студенттері сабақтар мен емтихандарды мұсылмандар үшін қасиетті саналатын жұма күні өткізуді  болдырмау үшін барлық оқу орындарында митингтер өткізді, деп хабарлайды timeturk.com.

Наразылық акциясы елдегі белгілі анатолиялық жастар бірлестігінің ұйымдастыруымен өткен. Акцияға қатысушылар Стамбул университетінің орталық кіреберісінде жиналды.  
Бірлестіктің өкілі Мұхаммед Аджардың айтуынша, мұсылман елдеріндегі көптеген оқу орындарында жұма демалыс күні болып табылады. Түрік студенттері Алла алдындағы парыздарын орындаймыз деп, жұма намазына қатысу арқылы сабақтарды өткізіп алып,  үлгерімдерінің біраз төмендеп кеткенін басты себеп деп отыр.

«Әр жұма күні дүниелік  тәртіптердің құрбаны болғымыз келмейді, сол себепті біз сабақ  кестесін өзгертуді талап етіп отырмыз. Бізге  намаз немесе емтиханға баруға таңдау жасауға мәжбүр етпеулеріңізді сұраймыз», - деп мәлімдеді Аджар.