Түркияның барлық жоғарғы оқу орындары мен студенттік қалашықтарында мешіттер саланатын болады.

Түркияның Дін министрлігі мен Қаржы министрлігі бірігіп «Жастардың діни білімін жетілдіру» дініи-ағартушылық жобасын іске асыруға шешім қабылдады. Аталмыш жобаға сәйкес, елдегі әр университеттің корпустарында және студенттік қалашықтардың барлығында дерлік  студенттер үшін арнайы мешіттер бой көтереді, деп хабарлайды Умма информ.

Түркияның Дін істері басқармасы төрағасы Мехмет Гөрмездің  айтуы бойынша, бұл жоба екі мақсатқа жетуге жол ашады. Біріншіден, студенттерге арналған барлық мешіттер бір жерде орналасады, екіншіден,  студенттер бір жерде шоғырланған мешіттерде өз ғибадаттарын жасап, жұма намаздарын да сол оқу орнындағы мешіттерде  оқитын болады. Осы арқылы студенттер сабақ уақытында уақыт үнемдеп, сабаққа да, құлшылықтарына да үлгереді. Бұл үшін барлық жағдайлар жасалған. 

Студенттерге арналған мұндай мешіттер Батман университетінде бірінші болып ашылады деп жоспарлануда. Оның сыйымдылығы 6 мың адамға арналған.  Дәл осындай мешіттер елдегі 55 жоғарғы оқу орнында салынады.