Биыл – Қазақстан мұсылмандары діни басқармасының құрылғанына 30 жыл. Мерейлі датаға орай муфтиятқа алыс-жақыннан құттықтаулар келуде. Сондай тілек хаттың бірі Бас мүфти Серікбай қажы Ораздың атына Жамбыл облысы әкімдігінің дін істері басқармасынан келді.

«Тәуелсіздік алғаннан бері елімізде діннің рөлі айтарлықтай өсіп, азаматтардың, әсіресе жастардың дінге бетбұрысы, қоғамдағы белсенділігі артып келеді. Осы орайда еліміздің мұсылман жамағатының ынтымақ бірлігін сақтауда және рухани құндылықты дәріптеуде Қазақстан мұсылмандары діни басқармасының орасан қызмет атқарып отырғанын атап өту керек.

Сан ұрпақ аңсап өткен, бүгінгі біз жеткен аса қымбат әрі қастерлі тәуелсіздік жолында Қазақстан мұсылмандары діни басқармасына әрдайым жарқын жетістіктердің бола беруіне тілектестік білдіремін» дейді құттықтау хатында Жамбыл облысы әкімдігінің дін істері басқармасының басшысы Ж.Омаров.