Итальяндық Dolce&Gabbana сән үйі Рамазан айы қарсаңында мұсылман әйелдерге арналған киімнің жаңа топтамасын шығарды, деп хабарлайды islam.ru сайтына сілтеме жасаған ummet.kz тілшісі.
Эксперттердің айтуынша арнайы топтаманың ерекшелігі қанық түсті оюлар мен принттердің көптігінде. Сонымен бірге, сәнді киімдерден Таяу Шығыс елдеріне тән ұлттық нақыштарды байқауға болады. Ал, мұсылман әйелдерге тән қарапайымдылық жаңа топтаманың негізгі айырмашылығы болмақ.
Айта кетейік, әлемге танымал сән үйлері мұсылман әйелдерге арналған алғашқы қымбат дизайнерлік киімдер топтамасын 2016 жылдың қаңтар айында шығарған болатын.
ummet.kz