Тараз қалалық «Әулие ата» мешітінің бас имамы Ораз Баймахановтың бастамасымен ҚМДБ-ның әйел-қыздар секторы, мешіт ұстазы Фатима Мусаеваның ұйымдастыруымен қасиетті ережеп айына орай, қайырымдылық іс-шарасы өтті. «Әулие ата» мешітіне көпбалалы тұрмысы төмен, асыраушысы жоқ 10 отбасы мен мешіт жамағаты шақырылды.

Іс-шара барысында мешіт ұстазы қонақтарды ережеп айының келуімен құттықтап, көпшілікке «40 парыз» тақырыбында уағыз айтты. Сондай-ақ, үлкен құлшылықтың бірі - намаз оқудың маңыздылығы мен намаз оқымаудың ауыр күнә екенін айтып өтті.

Құран бағышталған соң, Ораз имам сауаптар еселенетін қасиетті айда мұсылман бауырларды жақсылықты көбірек жасауға шақырды.

Аналарға азық-түлік пен жаңа киімдер таратылды. Әр отбасына 10 000 теңгеден, жалпы 100 000 теңге үлестірілді. Қонақтар ұйымдастырушылар мен ұстаздарға алғыстарын білдіріп, тарқасты. 

«Кеңесхан қажы» мешітінің баспасөз қызметі