Бес адаммен еш уақытта дос болма

: НАСИХАТ; 13-Қараша 2018; ҚАРАЛДЫ: 1614; РЕЙТИНГ:

( 1 HELIX3_COUNT_RATING )

Бес адаммен еш уақытта дос болма

User Rating: 5 / 5

Әбу Жағфар Мұхаммед бин Әли Бақир былай дейді:

Әкем маған: «Балам! Бес кісімен ешуақытта жолдас болма, олармен әңгімелеспе және жолда серік болма,-деді.

—Құрбаның болайын әке, ол бесеуі кім?,-дедім. Әкем: Пасықпен жолдас болма, ол бір асқа бола немесе одан да төменіне сені сатып жібереді,-деді. Мен: Әке! Одан да төмені не?,-дегенімде:

-Дәметіп, қолы жетпеген нәрсе,-деді.

-Әке! Екінші адам кім?

-Сараңмен жолдас болма. Өйткені, ол саған ең керек кезде мал-дүниесін бермейді.

-Әке! Үшіншісі кім?,-дедім.

-Өтірікшіні жолдас етпе, ол сағым сияқты жақынды сенен алыстатып, алысты саған жақын етіп көрсетеді,-деді.

-Әке, төртіншісі кім?,-дедім.

-Ақымақпен жолдас болма. Өйткені, ол саған пайда беремін деп зиян тигізеді,-деді.

-Әке, бесіншісі кім?,-дегенімді: Туысқанымен ара-қатынасын үзгенмен жолдас болма, өйткені ондай адамның Құранда үш орында лағынеттелгенін көрдім»,-деп өсиет еткен екен.

P.S. Дос араб тілінде «садық», яғни, шыншыл деген сөзден туындайды. Демек, дос – әр жағдайда сізбен шыншыл қарым-қатынастағы бауырыңыз.

Руслан ҚАМБАР

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.

Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!