Жамбыл ауылы «Жексенбай ата» мешітінің молдасы Исаев Зияттың ұйымдастыруымен мешітте Наурыз мерекесі аталып өтті. Ата- бабаларымыз ежелден тойлаған мерекеге орай дастархан жайылды, наурыз көже таратылды. Жиналған ауыл тұрғындары мен мешіт жамағаты ұлыстың ұлы күні Наурыздың келуімен бір-бірін  шаттана құттықтап жатты. Қасиетті Құранның аяттары оқылып, ақсақалдар ақ батасын берді.

Дастархан басына жиналған қауымға мешіт молдасы Исаев Зият дін мен дәстүрдің сабақтастығы жайлы әсерлі уағыз айтты. Сондай-ақ, қой көтеру, гір тасын көтеру, қол күрес сынды ойындар өткізіліп, жеңімпаздарға ақшалай сыйлықтар берілді. Жас бүлдіршіндерге арналып батут құрылды.

«Жексенбай ата» мешітінің Баспасөз қызметі