Қордай ауданының бас имамы Д.Жандосұлы аудан орталығындағы қайырымдылық мекемесінің тәрбиенешулерімен имандылық негізінде дәріс өткізіп, тәрбиенушілердің хал-ахуалымен танысып қайтты.

Аталмыш мекемеде асыраушысынан айырылған, аз қамтылған отбасылардың балалары тәрбиеленеді. Имандылық дәрісінен кейін, кешкі дастархан үстінде ғибратты әңгімелер өз жалғасын тапты. Хадис шәріптердің бірінде пайғамбарамыз Мұхаммед (с.ғ.с): «Жердегілерге рақымдылық жасаңдар! Сонда көктегілер де сендерге рақымдылық жасайды», – деген болатын. 

Аталмыш хадиске сүйене отырып,  бас имам Д.Жандосұлы бүлдіршіндерге  дәстүр бойынша базарлық алып келді. Демеушілердің қамқорлығымен  төрт мекеме тәрбиеленушісіне қысқы киімдер, атап айтқанда 4 жылы куртка, 4 дана аяқ киім, жылы киімдер сыйға тартылды. Мекеме басшылығы, тәрбиеленушілері демеушілерге, мешіт қызметкерлеріне өз разылықтарын білдірді.

аудандық «Қордай» мешітінің

баспасөз қызметі