Шу аудандық "Төле би" мешітінде ауданымызға қарасты барлық ауыл имам молдаларымен жылдық қорытынды есебіне байланысты келелі бас қосу өтті. Жиын басында  ауданымыздың бас имамы Аят Дыбысұлы алматы қаласында өткен Қазақстан Мұсылмандарының 8-ші құрылтайында Серікбай қажы Ораз  Қазақстан  Мұсылмандары Діни Басқармасының  Бас мүфти  болып сайланғандығын хабарлады. Сонымен қатар ауыл имам молдалары бір жыл ішінде атқарған іс-шаралар бойынша есеп берді.

Ауданның бас имамы Аят Дыбысұлы ауыл молдаларының есебін тыңдап, ҚМДБ-ның бекіткен төрт бағыты бойынша атқарған жұмыстарына баға беріп, мешіттердің күрделі жұмыстарын өткізген ауыл молдаларына алғысын айтты. Сондай-ақ, екі дүние сәруәрі болған Пайғамбарымыз (с.а.у.) Мәуліт айы мерекесін ауылдарда өз деңгейінде атап өтулерін жүктеді.

Жиын соңында ауданның бас имамы Аят Дыбысұлы ҚМДБ-ның бекіткен төрт бағыт бойынша және өкілдіктен келіп түсетін хаттарды өз деңгейінде орындауларын тілге тиек етіп, алдымыздағы жылда аянбай қызмет қылуларын тапсырды.

Шу аудандық "Төле би" мешітінің баспасөз қызметі