Ағымдағы жылдың 19 қарашасынан бастап Хижра жыл санауы бойынша Рабиул әууал айы басталды. Бұл ай - ардақты пайғамбарымыз, Алла Тағаланың сүйікті құлы Мұхаммедтің (с.ғ.с.) дүние есігін ашқан айы. Сондықтан әлемде және еліміздің түкпір-түкпірлерінде мәуліт оқылып, құрметтеліп аталып өтілуде. Рухани шараның бірі Жамбыл облыстық «Һибатулла Тарази» мешітінде өтті.

Қасиетті жиынға ҚМДБ-ның Жамбыл облысы бойынша өкіл имамы Данияр қажы Жұмабаев, "Әулие-ата" мешітінің бас имамы Ораз Баймаханов, мешіт жамағаты қатысты.

Жұма намазының алдында оқылған мерейі үстем Мәуліт барысында өкіл имам Данияр қажы Жұмабаев Бас мүфти Ержан қажы Малғажыұлы хазреттің құттықтауын жеткізді. Жамағат алдында айтылған әсерлі уағызды жамағат ұйып тыңдап, дұға жасады.

Бауыржан МУРБЕКОВ

“Һибатулла Тарази” мештінің баспасөз қызметі