Мұхаммед бин Фазил Даххактан келтіргенін Факих (оған Алланың рақымы болсын) былай жеткізген: «Шындығында, Алла көк мекендеушілеріне жерге түсіп, адамдарды қоршап тұруға бұйырады».

Осыдан кейін екінші көктің мекендеушілері түседі. Сосын — үшінші, төртінші көктегілер түседі. Осылайша, жеті көктің періштелері түседі. Олар сап түзеп тұрады. Адамдар оларға жақындай алмайды. Алла Тағала Қасиетті Құранда былай айтқан:

«Әй, жын мен адамзат тобы! Көктер мен жердің шектерінен өтуге шамаларың келсе, өтіңдер. Өте алмайсыңдар! Бірақ бір қуатпен өте аласыңдар» (55:33).

Сондай-ақ, Алла: «Ол күні, аспан бұлттарша жарылып, періштелер жалғасты түрде түсіріледі» дейді (25:25).

Әбу Хурайра Алла Елшісінің (оған Алланың салауаты мен сәлемі болсын) былай айтқанын келтірген:  «Шындығында, Алла былай айтқан: «Уа, адамдар мен жындар! Мен сендерге бағыт көрсеттім, сендердің амалдарың амалдар Кітабына жазылған. Егер кімде-кім одан қайыр көрсе, Аллаға шүкір айтсын. Егер кімде-кім өзінің амалдар Кітабынан зұлымдық көрсе Бізді емес, өзін жазғырсын». Осыдан кейін  Алла Тағала Тозақтан сөйлейтін қара мойынның шығуын бұйырады. Алла айтады: «Әй адам баласы! Сендерге: “Шайтанға табынбаңдар. Әрине ол, өздеріңе ашық дұшпан” деп, серт бермедім бе? “Маған құлшылық қылыңдар. Тура жол осы!” Расында ол, сендерден көптеген топты адастырды. Сонда да түсінбейсіңдер ме?»

Оларға былай айтылады: «Сендерге уәде етілген тозақ осы. Қарсы келулерің себепті бүгін оған кіріңдер» (36:60-64).

Сондай-ақ, Алла:«(Мұхаммед Ғ.С.) барлық үмметті жүгінген түрде көресің. Әр үммет амал дәптеріне шақырылады да: “Бүгін қылмыстарыңның бодауы беріледі» (45:28).

"Танбихул гафилин" кітабынан