Тараз мемлекеттік педагогикалық институтында ҚМДБ-ның Жастармен жұмыс бөлімінің Жамбыл облысындағы өкілі, «Һибатулла Тарази» мешітінің наиб имамы Ержан Маханұлы, ТарМПИ-дің Дінтану орталығының жетекшісі Таңжарық Қасымқұлұлы және ТарМПИ оқытушысы Бақтияр Алпысбайұлы жастардың басын қосып, кездесу өткізді. Кездесуде Ержан Маханұлы «Ата-ана тәрбиесі», «жақсы білім иесі болу» тақырыбында имандылыққа баулитын өнегелік мәні бар уағыз айтып, иманды жастар болашақ кепілі екенін естеріне салды. Кездесу соңы студенттер қойған сұрақ-жауаптарға ұласты.