Әлем мұсылмандары дүркіретіп атап өтіп жатқан мәуліт мерекесі Қордай жерінде де өз жалғасын табуда. Олай дейтініміз, Қордай жерінің Қарасу елді мекенінде орналасқан «Әл-Хадий» мешітінде мәуліт мерекесі аталып өтті. Мүбарак мерекеге Қордай ауданының бас имамы Ә.Шалбай, Қарасу ауылының әкімі М.Күзербаев, аудандық мешіттің алқа мүшелері Б.Байтөле, А.Омаров, ауыл ақсақалдары және шәкірттер қатысты. Ә.Шалбай мерекелік дастархан басында пайғамбар өмірі жайлы уағыз айтып, жамағатты толғандырса, ақсақалдар өнегелі сөздерімен ойландырды. Ардақты елшіге (с.ғ.с) мәулід оқылып, ақсақалдар ақ батасымен тәмамдады. Аллаға мадақ, Баршамызға өнеге болған сүйікті елші Мұхаммед Мұстафаға (с.ғ.с) салауаттар болсын.
Дәуренбек Жандосұлы
Аудандық «Қордай» мешіті