Күндердің сұлтаны болған қасиетті Жұма күні аудандық «Қордай» мешітіне облыстық дін істер басқармасының басшысы С.Ө Айдапкелов ат басын тіреді. С.Ө. Айдапкелов мырзамен бірге Қордай ауданы әкімінің орынбасары  Б.Т. Жамангөзөв және мекеме басшылары келді. Алла үйінің қонақтарын аудан бас имамы Ә.Шалбай күтіп алып, қонақтарды мешітте атқарылып жатқан жұмыстармен етене таныстырды.

Айдапкелов мырзаға Жұма уағызы уақытында сөз берілді. Серғали Өмірзақұлы жиналған жамағатқа Елбасы Н.Ә. Назарбаевтың «Қазақстан 2050. Мәңгілік ел» жолдауының тармақтарымен таныстырып, облыстағы діни ахуалды сипаттап берді. Жамағат Елбасы жолдауын жылы қабылдады. Алла жазса стратегияны  асыруға қолғабыс болуға ниеттенді.

Дәуренбек Жандосұлы

Аудандық «Қордай» мешіті