Тараз қаласындағы Жамбыл гуманитарлық-техникалық унивеситетінде ҚМДБ-ның Жастармен жұмыс бөлімінің Жамбыл облысындағы өкілі, «Һибатулла Тарази» мешітінің наиб имамы Аманбаев Ержан ЖОО жастарымен кездесу өткізді. Кездесудің басты тақырыбы  жастардың бойынан табылуға тиіс сабырлық, әдептілік қасиеттерді жетілдіру мәселесі болды. Ержан Маханұлы сүйікті Пайғамбарымыз Мұхаммедің (с.а.у.): «Нағыз мықты – күресте қарсыласын жеңген емес, қатты ашуланғанда өз-өзін ұстай білген адам» деген хадисін айта келе, сабырлықтың ең күшті қасиет екенін жеткізді.