Кем дегенде өмірінде бір рет қажылықта болған адам Меккедегі мешіттің айналасындағы кептерлерді байқамауы екі талай.

Бұл кептерлер әлемдегі басқа құстарға қарағанда бақытты, өйткені олар Әл-Харам мешітінің ауласында тұрады. Әрбір қажылық жасаушы оларды тамақтандыруға тырысады.

Пайғамбарымыз (с.ғ.с.) Мединаға хижрет жасағанда Абу Бәкір екеуі жасырынған Сәуір үңгірінің алдында құс ұя салып, жұмыртқалап, Алланың мейірімімен жаудың бетін қайтаруға себеп болғанын естеріңізге сала кетейік.

hibatulla.kz

Алла Тағала Нәхл сүресінің 79-шы аятында: «Олар аспан кеңістігінде Алланың әміріне, орнатқан заңдылықтарына толық бағынған күйде самғап ұшқан құстарға зер салып қарамай ма? Оларды сол кеңістікте Алладан басқа ешкім құлатпай ұстап тұрған жоқ. Әлбетте, осының өзінде иман ететін қауым үшін көптеген белгілер, дәлелдер бар» деген.