Ислам діні отбасыға, әсіресе, оның ең негізгі екі тірегі – ата-анаға ерекше мән берген.
Әке-асқар тау деп бекер айтылмаған, басына қиын іс түскенде демеу беріп, әкелік күш қайрат беретін адамын болса қандай жақсы. Қиналған сәттерінде, жанын аналық мейірімділікпен қоса әкелік қамқорлықты да іздейді екен.
Әке қамқорлығы дегеніміз – отбасы мүшелерін әртүрлі пәле-жаладан қорғап отыратын қасиетті ұғым. Сондықтан әкені сыйлау, оған үлкен құрметпен, ілтипатпен қарау баланың парызы болмақ.
Құрметті, оқырман! Әкелеріңізге қалай қарап жүрсіздер? Іштей тынып, сізді уайымдап жүретін асқар тауыңызға дауыс көтересіз бе? Оны бағалайсыз ба? Бір сәт ойланыңызшы, одан айырылсаңыз қандай күйде болар едіңіз?..
hibatulla.kz
Пайғамбарымыз (Оған Алланың игілігі мен сәлемі болсын) былай деген: «Алланың разылығы – ата-ананың разылығында, Алланың ашуы – ата-ананың ашуында жатыр».