Тұрар Рысқұлов ауданына қарасты бірқатар мешіт имамдарының ұйымдастыруымен Құлсарыға бір камаз гуманитарлық көмек жіберілді. Атырау облысы Құлсары қаласында болған су тасқыны Тұрар Рысқұлов аудан тұрғындарын да бей-жай қалдырмады.

Бір жүк көлігіне бұзылмайтын азық- түлік, керек-жарақ заттар мен құрал-саймандар және көрпе – төсектер тиеліп, зардап шеккен ағайынға жөнелтілді. Ауданға қарасты әрбір ауылдың тұрғындары мен мешіт жамағаты көмек қолын созып, ешкім аянып қалмады.

 Қуаныш Тузелбеков

Рысқұлов аудандық мешіттің баспасөз қызметі