Жамбыл облысы Байзақ аудандық «Байзақ баба» мешітінде  әйел-қыздар секторының ұстазы Жанат Кушербаеваның ұйымдастыруымен әйел адамды жуындырып кебіндеу дәрісі өткізілді.

Дәріс барысында Жанат ұстаз: «Кебін – қайтыс болған адамға кигізілетін шын киімі. Кебін үш бөліктен тұрады: 1) Лифафа – сыртқы кебін. Лифафаның көлемі мәйітті қаусыра орауға, басы мен аяқ жағынан бууға жетерліктей көлемде болады; 2) Изар – бас және аяқпен бірдей енді мата; 3) Қамис – көйлек. Мата екі қабатталып, ортадағы тұйық жерден бас сиярлықтай жыртылады. Басқа кигізгенде, көйлектің ұзындығы мойынның түбінен аяққа дейін жететін болуы тиіс. Бұл – ерлер мен әйелдерге ортақ кебін. Мұнан бөлек әйелдерге кигізілетін кебінның қосымша бөліктері мен шаһидты жерлеу жайы бар" - деп түсіндірді.

Шара соныңда дәріске қатысушы шәкірттер ұстазға сұрақтарын қойып, мардымды жауаптарын алды.

Байзақ аудандық мешітінің баспасөз қызметі