Қазақ халқында бағзы заманнан айт күндері қырық немесе жетпіс үйге айттап кіріп шығу керек деген дәстүр бар. Әлбетте, шариғат мұндай санды міндеттемейді. Бұл қонақжай қазақ халқының ақжарма, кең пейілдігінен туындаған ізгі салт екені белгілі. Жалпы, отыз күнгі ораза мұсылмандарды тақуалыққа баулыса, айт күнгі қуаныш күйбең тіршіліктегі өкпе-назды ұмыттырып, мұсылмандардың бауырмалдығын күшейте түседі.

Айт мерекесін балаларға да білдіріп, мерекелік көңіл күй сыйлау үшін спорттық ойындардан сайыс өткізілді. Шоқпар ауылының молдасы  Данияр Табаевтың ұйымдастыруымен тартысты өткен ойында үздік шыққандарға арнайы сыйлық ретінде ойыншықтар тарту етілді. 

Шу аудандық мешітінің баспасөз қызметі